BDI dhe VMRO-DPMNE: Vetëm me dialog

“Partitë politike BDI-ja dhe VMRO-DPMNE dënojnë incidentin e sotëm në Kalanë e Shkupit dhe njëkohësisht bëjnë thirrje për qetësim të situatës. Çështje të tilla të ndjeshme duhet dhe mundet të zgjidhen vetëm në dialog të hapur politik, edhe atë në institucionet e sistemit. Nuk mundet askush çështjet e këtilla të ndjeshme t’i shfrytëzojë për qëllime të tjera. Ju bindim se institucionet e vendit kanë kapacitet që ta zgjidhin këtë çështje të ndjeshme në të mirë të ardhmërisë demokratike të shtetit tonë të përbashkët”, thuhet në komunikatën e përbashkët.

Gjithashtu kjo parti siguron se kultivimi i të drejtave kulturore dhe ruajtja e trashëgimisë kulturore për të gjithë popujt që jetojnë në Maqedoni është një nga prioritetet e dy partive politike.

“Karakteri multietnik dhe multikonfesional janë shtyllë kryesore e ambientit demokratik. Apelojmë deri te të gjithë partitë politike dhe sektori civil me gjakftohtësi t’u qasen çështjeve të kësaj natyre. BDI-ja dhe VMRO-DPMNE do të shfrytëzojnë të gjitha kapacitet politike të tyre dhe institucionet që ky incident të mos përsëritet në të ardhmen dhe nuk do të lejojmë që kjo të keqpërdoret nga parti politike dhe individë të caktuar”, thuhet në komunikatë.

Top Channel