Countryman në Kosovë: Qeveri e pastër
11/02/2011 14:15
E rëndë në Kosovë/ Sherr për divorcin, 31-vjeçari qëllon me armë ish-vjehrrin 26/04 14:58
Zëvendës-ndihmës sekretari amerikan i Shtetit, Thommas Countryman, gjatë vizitës në Prishtinë i ka bërë thirrje klasës politike që qeveria e re të përbëhet nga elementë të pastër.
Duke folur pas takimit me kryeministrin Hashim Thaci, Countryman ka shprehur bindjen e tij se një gjë e tillë do të realizohet, duke qenë se e kërkojnë edhe qytetarët.
“Populli i Kosovës ka kërkuar dhe pret krijimin e një qeverie të pastër dhe të përkushtuar, që të ecë me hapa të shpejtë drejt zhvillimit dhe forcimit të shtetit”, ka deklaruar Countryman.
Ai ka theksuar se qeveria e re do të ketë një axhendë të ngjeshur, të fokusuar tek zhvillimi i ekonomisë, krijimi i vendeve të reja të punës, sundimi i ligjit dhe tek pavarësia e institucioneve.
Më tej, zyrtari amerikan ka dhënë garancinë e tij se Shtetet e Bashkuara do të vazhdojnë ta mbështesin dhe ndihmojnë Kosovën në të ardhmen.
Top Channel
