Lideri islamik: Vit lotësh për Rusinë

Në një video të publikuar në drekë në një faqe interneti pro-grupimit terrorist, Doku Umarov, theksoi se vrasja e 36 personave në 24 janar në aeroport është vetëm fillimi i një fushate të përgjakshme terrori.

”Nuk do t’iu them që me qindra janë të përgatitur për luftën e shenjtë, por me vullnetin e Allahut, 50-60 persona do të sakrifikohen në emër të tij gjatë vitit”, deklaroi Umarov në rusisht, i veshur me veshje ushtarake.

”Këto operacione do të kryhen javë pas jave, muaj pas muaji. Ky do të jetë një vit i përgjakshëm dhe i mbushur me lot për të gjithë ata rusë që përpiqen të shtypin islamizmin”.

Ndërkohë, autoritet identifikuan trupin e kamikazit si një 20-vjeçar nga rajoni i Kaukazit të Veriut. Testimet treguan se ai kishte një nivel shumë të lartë droge në gjak, përpara kryerjes së sulmeve.

Në videon e publikuar, shfaqej edhe një përson i dytë i maskuar në krahun e Umarovit, i cili u cilësua si njeriu që udhëhoqi sulmin e Moskës. Kjo është hera e parë që një grupim merr përsipër autorisinë e sulmeve.

Top Channel