Trafiku i organeve, Serbia: Hetim i pavarur
02/02/2011 18:50
Prokurori serb për krimet e luftës, Vladimir Vukcevic ka kërkuar që akuzat për trafik organesh nga lidershipi i UCK-së të hetohen nga një prokuror i pavarur.
Në një prononcim për mediat serbe, Vukcevic ka deklaruar se është i shqetësuar nga mundësia që këto akuza të hetohen nga misioni EULEX.
“Besoj se qëndrimi i organizatës Human Rights Watch dhe raportuesit Dick Marty për të pasur një prokuror të pavarur është zgjidhja më e mirë”, ka deklaruar Vukcevic.
Ndërkohë, misioni EULEX ka nisur hetimet e para mbi akuzat për trafik organesh, duke kërkuar nga ngritësit e tyre që të paraqesin provat.
Top Channel