Kosovë, KQZ: Brenda pak ditësh rezultatet
27/01/2011 17:00
Vrau 14 vjeçaren dhe një të moshuar, ekstradohet nga Turqia i dyshuari kryesor për ngjarjen që tronditi Shkupin 15/05 21:32
Komisioni Qendror i Zgjedhjeve në Kosovë ka njoftuar sot se pas pak ditëve do të publikojë rezultatet zyrtare të zgjedhjeve parlamentare.
Komisioni ka deklaruar se aktualisht ndodhet në proces verifikimi dhe numërimi të votave me kusht, i cili pritet të përfundojë brenda tre ose katër ditësh.
Ndërkohë, Paneli Zgjedhor për Ankesa dhe Parashtresa ka miratuar vetëm dy nga 13 ankesat e bëra për procesin e rivotimit në Mitrovicë.
Ankesat në fjalë kanë të bëjnë, njëra me shkeljen e heshtjes zgjedhore nga LDK përmes sms-ve dhe tjetra me vendosjen e posterave nga e njëjta parti dhe PDK-ja pranë qendrave të votimit.
Kryetari i PZAP, Shukri Sylejmani ka deklaruar se afati i ankesave ka skaduar dhe se tani subjektet që duan të apelojnë mund ta bëjnë këtë vetëm tek Gjykata Supreme.
Top Channel
