Dygolësh nga Pato, Milani kalon Sampdorian
26/01/2011 19:40
Flamurtari rikthehet në Superligë pas pesë vitesh, trajneri: Një nga momentet më të bukura! 20/04 20:25
Milani mposhti 2-1 Sampdorian në transfertë, në një ndeshje që përfundoi disa minuta më parë dhe do të përballet me Palermon në gjysmëfinalet e Kupës së Italisë.
Dy gola të shpejtë nga Pato, në minutat 17’ dhe 22’ mjaftuan për kuqezinjtë që të arrinin fitoren. I shkëlqyer Urby Emanuelson në debutimin e tij, autor i të dy asistve që çuan në golat e brazilianit.
Guberti shkurtoi diferencën në fillimin e pjesës së dytë, por pavarësisht se luante me shumë rezerva, Milani mundi të mbante avantazhin deri në fund.
Antonio Cassano luajti 12 minuta kundër ish-skuadrës së tij të vjetër. Presidenti i Sampdoria-s, Garrone, nuk pranoi ta përshëndeste. Banderola kundër milanistit ishin prezente dhe vërshëllima u dëgjuan kur prekte topin.
Top Channel
