SHBA bën apel për qetësi
21/01/2011 22:30
Reshje shiu dhe temperatura të larta, ja si parashikohet moti këtë të martë 06/05 07:29
Shtetet e Bashkuara dënuan dhunën në Shqipëri dhe shprehën keqardhjen për humbjen e jetëve dhe plagosjet gjatë protestave.
“Na vjen keq që demonstrata nuk ishte paqësore dhe që nuk u morën parasysh thirrjet për qetësi që u bënë përpara prostestës”, tha zëdhënësi i Departamentit të Shtetit P.J.Crowley në konferencën e tij të përditshme për shtyp.
Të enjten, një ditë para protestës ambasada amerikane bëri thirrje që ajo të ishte paqësore dhe konstruktive. Crowley tha sot se u mësua me keqardhje për vdekjet dhe të plagosurit nga përleshjet në Tiranë.
“Përdorimi i retorikës provokuese dhe sugjerimi apo toleranca e çdo lloj dhune i shkakton një dëm të madh popullit të Shqipërisë, i cili meriton më shumë se kaq”, u shpreh zëdhënësi i DASH-it në konferencën për shtyp.
Qëndrimi i shprehur prej tij kishte të njëjtin ton si deklarata e përbashkët e Shteteve të Bashkuara, BE-së dhe OSBE-së në Tiranë, ku shprehej keqardhja që demonstrata nuk ishte paqësore dhe kishte pasur viktima.
Top Channel
