Haga zbut aktakuzën ndaj Haradinaj
15/01/2011 09:35
Shtyhet votimi në OKB për rezolutën për gjenocidin në Srebrenicë 25/04 21:57
Gjykata ndërkombëtare e Hagës ka zbutur akuzat ndaj ish-kryeministrit të Kosovës, Ramush Haradinaj dhe ish-bashkëluftëtarëve të tij, Lahi Brahimaj e Idriz Balaj.
Lajmin e bëjnë të ditur mediat kosovare, të cilat i referohen një komunikate të lëshuar nga vetë gjykata për krimet e luftës.
Sipas këtij dokumenti, gjykatësit kanë urdhëruar prokurorët që të korrigjojnë dhe shkurtojnë një varg pikash në aktakuzën ndaj kreut të AAK-së dhe ta prezantojnë atë të riformuluar më 21 janar.
Gjykimi i pjesshëm ndaj Haradinaj pritet të fillojë në fund të këtij muaji, ose në fillim të muajit të ardhshëm. Procesi në fjalë është parashikuar të përfundojë në qershor ose në gusht.
Top Channel
