Mali i Zi voton sot qeverinë e re
28/12/2010 10:55
Parlamenti i Malit të Zi pritet të votojë sot qeverinë e re që do të ketë si kryeministër Igor Lukshic, pas dorëheqjes së Milo Gjukanovic.
Kabineti i ri qeveritar do të prezantojë programin dhe ndryshimet e reja brenda ekzekutivit, ndërkohë që më herët Lukshic ka deklaruar se do të vazhdojë me realizimin e prioriteteve të qeverisjes së kaluar.
Në kabinetin e ri qeveritar do të jenë gjashtë ministra të rinj, të cilët do të udhëheqin dikasteret kryesore.
Në këtë kabinet do të jetë i përfshirë me një post ministri edhe Ferhat Dinosha, lideri i Unionit Demokratik Shqiptar, si dhe një përfaqësues i partive boshnjake.
Top Channel