Kosovë, Pacolli: Unë president
27/12/2010 16:30
“Kapje e qartë e Preshevës nga Vuçiç”, ish-kryekomunari Arifi kritika Ragmi Mustafës: Ndaloi projektin e financuar nga Tirana për ndërtimin e shkollës fillore 02/05 19:01
Kryetari i AKR-së, Behxhet Pacolli ka deklaruar se nuk preferon të bëjë koalicion me PDK-në, nëse kjo e fundit bën aleate edhe AAK-në.
Deklaratën e tij Pacolli e ka bërë në një intervistë për të përditshmen kosovare “Express”, ku ka shprehur ambicjet e tij për postin e presidentit.
“Kontributin tim më të madh do ta jepja në Presidencë”, ka pohuar Pacolli, i cili ka sqaruar edhe arsyet përse nuk dëshiron që në aleancë të përfshihet edhe AAK.
“Nuk kam vija të kuqe me AAK-në, por kam vetëm një frikë. Nëse PDK-ja dhe AAK-ja do të jenë së bashku, atëherë hapësira jonë do të jetë e reduktuar dhe veprimet tona nuk do të vërehen”, ka nënvizuar Pacolli.
“Nëse do të jetë kështu, unë nuk do të jem i interesuar për këtë formulë qeverisjeje”, ka theksuar ai.
Top Channel
