Kosovë, koalicioni në duart e Haradinajt
24/12/2010 11:00
Koalicioni i ri qeveritar në Kosovë varet nga kryetari i AAK-së, Ramush Haradinaj, i cili ndodhet i burgosur në gjykatën e Hagës.
Kështu shkruan e përditshmja kosovare “Koha Ditore” në numrin e sotëm të saj.
Sipas gazetës, kryeministri në ikje Hashim Thaci, i cili mund të vazhdojë të jetë në këtë post, po kërkon të formojë koalicion edhe me AAK-në, me qëllim krijimin e një qeverie sa më të qendrueshme, pjesë e të cilës mund të jetë edhe AKR-ja e Behxhet Pacollit.
Sipas burimit, kontaktet mes drejtuesve të PDK-së me ata të AAK-së nuk kanë munguar.
Por AAK nuk është e gatshme të hyjë në koalicion pa pasur më parë miratimin nga Ramush Haradinaj.
Top Channel