Shkup, digjet flamuri shqiptar
23/12/2010 18:20
“Mjaft na nënçmuat”, sheshit Iliria në Tetovë iu vu emri Mashall Tito, shqiptarët ngrihen në protestë 26/06 23:10
Skema e ngjyrave
Madhësia e shkrimit
Një grup tifozësh maqedonas, në një ndeshje basketbolli të zhvilluar në Shkup, kanë djegur flamurin shqiptar dhe kanë brohoritur parulla anti-shqiptare.
Lajmin e bën të ditur agjencia e lajmeve “Ina”, sipas të cilës ndeshja është zhvilluar ditën e djeshme, mes ekipit maqedonas Rabotnicki dhe atij shqiptar KB Liria.
Sipas burimit, tifozët maqedonas kanë brohoritur më parë parullat “shqiptar i vdekur” dhe “dhoma gazi për shqiptarët” dhe më pas kanë djegur flamurin kuqezi.
Ngjarja e ndodhur në pallatin e sportit të Shkupit ka qenë e ngjashme me atë të ndodhur pak muaj më parë në Itali, ku huliganë serbë dogjën flamurin e kombit shqiptar.
“INA” shton më tej se ndaj ngjarjes nuk ka pasur asnjë reagim nga ana e forcave të rendit që ishin të pranishme në stadium.
Top Channel
