Sukth, protestë për energjinë
21/12/2010 20:15
Më pak grurë në ara! Fermerët po korrin, por janë të pakënaqur me prodhimin këtë vit
20/06 18:01
Banorë të Sukthit dhe biznese kanë protestuar paraditen e sotme ndaj mungesës së tejzgjatur të energjisë elektrike e cila ka cënuar edhe furnizimin e tyre me ujë të pijshëm.
Protestuesit kanë bllokuar për afro gjysëmë ore rrugën Sukth-Manze dhe deklarojnë se do i përshkallëzojnë protestat në rast se nuk ndërhyhet.
Banorët deklarojnë se prej një muaji kanë ndërprerje të zgjatura të energjisë dhe një furnizim pa cilësi.
Tensioni i ulët u ka nxjerrë jashtë funksionimit një pjesë të mirë të pajisjeve shtëpiake, ndërkohë që gjatë 10 ditëve të fundit energjia ka munguar në një zonë të Sukthit.
Sipas banorëve, transformatori i tyre është dërguar drejt Shkodrës duke i ndëshkuar ata me terr.
Bllokimi i rrugës ka vënë në lëvizje shërbimet e policisë së Shijakut të cilat kanë bërë shoqërimin në komisariat të 6 prej protestuesve.
Ndërkaq prefekti i qarkut të Durrësit ka ndërhyrë pranë drejtuesve të lartë të CEZ-it për të zgjidhur sa më shpejt situatën në Sukth.
Probleme në furnizimin me energji elektrike kanë dhe zona të tjera të rrethit bregdetar, përfshirë dhe qytetin e Durrësit.
Top Channel
