Spahiu: Gjyqtarët pa imunitet

Zoti Jozef Uilliams theksoi edhe se objektivi i amerikanëve do të mbetet përveç transparencës dhe drejtësisë edhe përmirësimi i arsimit juridik.

Ministri i Drejtësisë, Nishani vlerësoi faktin e mbledhjes së aktorëve kryesorë për diskutimin e çështjeve të drejtësisë, ndërsa nënkryetari i KLD-së ka kërkuar heqjen e imunitetit për gjyqtarët.

“Imuniteti është kthyer në një tabu i cili duhet thyer. Shfrytëzoj rastin për të dhënë dy mesazhe në kuvendin e Shqipërisë që ka ardhur momenti që imuniteti i gjyqtarëve nuk mund të kthehet në një tabu e cila shpeshherë shpërdorohet dhe pengon organin e akuzës për të penguar organin e akuzës të bëjë hetime në gjyqësor. I bëj thirrje kuvendit të Shqipërisë për të gjetur mundësinë dhe vullnetin politik për të miratuar projektligjin e miratuar nga Ministria e Drejtësisë për ngritjen e Gjykatave Administrative”, është shprehur Spahiu.

Programi i USAID “Për një drejtësi, më transparente, të efektshme dhe të përgjegjshme në Shqipëri”, do të përfshijë edhe rolin mbikëqyrës dhe antikorrupsion të organizatave të shoqërisë civile dhe medias.

Top Channel