Raportuesi për Ballkanin në Parlamentin Evropian, Jelko Kacin, ka deklaruar për BBC, se Kosovës i duhet sa më shpejt krijimi i qeverisë për shkak të qëndrueshmërisë politike në vend dhe për fillimin e dialogut me Beogradin.
Zoti Kacin ka përmendur mundësinë e kandidimit të kryeministrit në dorëheqje për president të vendit, duke e cilësuar këtë hap të mundshëm, pas publikimit të projekt/raportit të Dick Marty.
Kacin është shprehur se në këtë mënyrë mund të shmanget situata aktuale në shtetin e ri, e cila sipas tij është shumë e rëndë dhe bllokuese.
Ai tha se akuzat në projekt/raportin e të dërguarit të KiE-së, Dick Marty, nuk mund të jenë një argument dhe arsyetim për shtyrjen e bisedimeve mes Kosovës dhe Serbisë.
Zoti Kacin e cilësoi gatishmërinë e presidentit Tadic dhe kryeministrit Thaçi për t’u takuar si manifestim të vullnetit të mirë dhe pozitiv për fillimin e dialogut.
Top Channel
