Presidenti serb, Boris Tadic ka deklaruar se pas publikimit të raportit të Dick Marty mbi trafikun e organeve, e gjithë bashkësia ndërkombëtare do ta shohë ndryshe cështjen e Kosovës.
“Serbia prej vitesh ka pritur para institucioneve ndërkombëtare për një raport të tillë. Kemi apeluar që të gjitha krimet të zbardhen, por këto apele në dekadën e kaluar nuk janë marrë seriozisht. Tani ka një këndvështrim tjetër dhe për këtë falenderoj zotin Dick Marty”, ka pohuar Tadic.
Sipas Tadic, populli serb në vitet e kaluara është paraqitur si fajtori i vetëm për të gjitha ngjarjet në ish-Jugosllavi. “Ndërsa tani, pas raportit të Marty, një qëndrim i tillë bie në ujë”, ka nënvizuar Tadic.
Presidenti serb ka kërkuar një hetim të gjerë për të vërtetuar nëse ka pasur ose jo krime të tilla në Kosovë dhe zbulimin e fajtorëve.
Top Channel
