Serbi, në gjyq anëtarët e “Cakejveâ€
20/12/2010 18:55
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Nëntë pjesëtarë të trupave paraushtarake serbe dolën sot para gjykatës, nën akuzën e kryerjes së krimeve të luftës ndaj civilëve shqiptarë, gjatë luftës së viteve 98-99 në Kosovë.
Të pandehurit, anëtarë të njësisë “Cakejtë”, akuzohen për vrasjen e 43 civilëve shqiptarë në fshatin Qyshk, afër Pejës, më 14 maj të vitit 1999.
Prokurorët i konsiderojnë ata përgjegjës për vrasje, plackitje dhe ushtrim të dhunës brutale, me qëllim trembjen dhe dëbimin e popullsisë shqiptare.
Gjithashtu, ata janë përgjegjës për vrasjen e Hasan Cekut, babai i ish-kryeministrit të Kosovës, Agim Ceku, si dhe të disa anëtarëve të tjerë të familjes së tij.
Aktualisht të pandehurit ndodhen në gjëndje paraburgimi, që prej muajit mars kur dhe u arrestuan, ndërkohë që për 17 anëtarë të tjerë të “Cakejve” është lëshuar urdhërarrest ndërkombëtar nga INTERPOL.
Top Channel
