Të humbësh në labirintet e internetit

Megjithatë, internet do të thotë edhe zëvendësim i teknologjive të mëparshme të bazuar mbi zgjuarsinë njerëzore, me një lloj inteligjence të re, tashme artificiale. Problemi më i madh i internetit, është mundësia për të humbur fare lehtë në labirintet e tij të panumërta.

Dy shembuj janë shumë të qartë. Motori i kërkimeve Google, së bashku me enciklopedinë online Wikipedia. E dyta, ka një mënyrë kërkimi më të sofistikuar, shumë më të kufizuar.

E megjithatë, për një fjalë kyçe, secila prej të dyjave është në gjendje të nxjerrë qindra mijëra, deri në miliona opsione nga ku mund të zgjedhësh. E ndërsa çdo ditë shtohen artikujt, bëhet gjithmonë e më e vështirë të gjesh atë që dëshiron.

Secili prej nesh, përpara se të nisë të shkruajë diçka, tashmë nuk mund të mjaftohet vetëm me shkruajtjen e fjalës kyçe. Eshtë e detyrueshme që më parë, të ngulitesh për orë të tëra mes faqeve, për të indentifikuar ato adresa që me të vërtetë i shërbejnë punës që dëshiron të realizosh.

Një herë e një kohë, mjaftoje të shkoje në një librari dhe shitësi do të pyeste. Çfarë librash lexon? Çfarë dëshiron të zbulosh apo sa para mendon të shpenzosh?

Sikur të mos ishte i ndërlikuar mjaftueshëm, motori i kërkimit në faqet e internetit nuk ka asnjë kriter përzgjedhje mes materialeve të vërtetë dhe atyre që mund të jenë të falsifikuar.

Informaticienët janë përpjekur vazhdimisht të krijojnë filtra të tillë, por është thjesht e pamundur të kontrollosh të gjithë sasinë e informacionit që qarkullon në rrjet. Për të mos humbur në labirintet e internetit, duhet të vijë një ditë që të jetë kompjuteri ai që do të bëjë pyetjet që dikur bënte librashitësi. Pyetja është e thjeshtë: A do të mundet që kjo të ndodhë me të vërtetë ndonjë ditë?

Top Channel