Sindikatat greke kanë organizuar për të mërkurën e ardhshme një grevë të
re të përgjithshme, si dhe një manifestim të madh në Athinë kundër
masave anti-krizë.
Lajmin e ka bërë të ditur sindikata e sektorit publik ADEDY dhe ajo e atij privat, GSEE përmes një komunikate për shtyp.
“Protesta e re shërben për të mbrojtur të drejtat e punëtorëve kundër politikave aktuale dhe sjelljes së papranueshme dhe provokuese të autoriteteve”, thuhet në komunikatë.
Zhvillimi i grevës dhe protestës në fjalë do të përputhet me kohën kur Parlamenti grek do të votojë reformën financiare për vitin 2011.
Tre ditë më parë sindikatat e punëtorëve mbajtën protestën e shtatë në sheshin para Parlamentit të Athinës, që u kthye në një arenë përleshjesh mes manifestuesve dhe forcave policore.
Top Channel