Thaci, BE: Marty të vërtetojë akuzat
15/12/2010 15:35
“Mjaft na nënçmuat”, sheshit Iliria në Tetovë iu vu emri Mashall Tito, shqiptarët ngrihen në protestë 26/06 23:10
Skema e ngjyrave
Madhësia e shkrimit
Brukseli zyrtar ka reaguar ndaj akuzave të ngritura ndaj kryeministrit kosovar Hashim Thaci, duke kërkuar nga reporteri Dick Marty që të paraqesë provat.
“Ne i marrim akuzat seriozisht, por e ftojmë zotin Marty që të dalë me prova”, ka deklaruar Maja Kocijancic, zëdhënëse e shefes së Politikës së Jashtme të BE, Catherine Ashton.
Ndërkohë, misioni evropian për rendin dhe ligjin, EULEX, ka deklaruar se do t’i hetojë akuzat e ngritura.
“Nëse ka përmbajtje të këtij lloji, atëherë do të donim të dëgjonim më shumë për to në rrugë zyrtare”, ka deklaruar numri dy i EULEX, Andrew Sparks.
Ndërsa kryetarja e Kuvendit të Shqipërisë, Jozefina Topalli, gjatë një vizite në Bruksel deklaroi se nëse nuk ka prova, atëherë duhet hetuar raportuesi për shkaqet që e shtynë atë të formulonte këto akuza.
“Raporti nuk përmban asnjë fakt. Është një shpërdorim i paprecedent i detyrës nga ana e Dick Marty. Atij i duhet bërë një ekspertizë mjeko-ligjore”, ka deklaruar Topalli.
Top Channel
