Marty, EULEX: Duam fakte të forta
15/12/2010 18:55
Policia e misionit EULEX ka deklaruar se kërkon “fakte të forta” për pretendimet e raportuesit të KiE Dick Marty, mbi kryeministrin e Kosovës, Hashim Thaci.
“Prokuroria jonë i bazon hetimet dhe aktakuzën mbi fakte dhe prova të forta”, ka deklaruar zëdhënësja e misionit evropian, Karim Limdal.
Ajo ka theksuar se, hetimet e BE mbi pretendimet se është kryer trafik organesh njerëzore në veri të Shqipërisë deri më sot kanë rezultuar pa asnjë provë.
Më herët edhe zëdhënësja e shefes së diplomacisë evropiane, Maja Kocijancic i kërkoi zotit Marty që të dalë me prova konkrete për akuzat e tij ndaj kryeministrit të Kosovës.
Top Channel