Glenny: Dëmtohet SHBA dhe Europa
15/12/2010 15:25
“Kasapi i Bosnjës” kërkon të lirohet me kusht, refuzohet kërkesa e kriminelit të luftës 21/05 21:45
Gazetari britanik Misha Glenny, një njohës shumë i mirë i problemeve të
Ballkanit, i tha BBC-së se akuzat e hedhura nga Dik Marty në drejtim te
kryeministrit të Kosovës, janë material eksploziv, sic i quajti ai.
Sipas Glenny, megjithese Këshilli i Evropës nuk ka ndonje ndikim te madh mbi qeveritë, raporti ne kete rast dëmton imazhin e vetë Shteteve te Bashkuara dhe Evropës, sepse nenkupton qe ato kane mbyllur syte perpara krimeve dhe i kane lejuar te ndodhin.
“Akuzat qe permban ky raport jane teper te renda”, thote Glenny. Kemi lidhje me krimin e organizuar, trafikim armësh e kështu me radhë. Por ato cenojne edhe vete figuren e Amerikes dhe aleateve te saj ne kontinentin e vjeter qe perkrahen UCK-ne. Çështja e serbëve të kapur nga Ushtria Clirimtare e Kosoves fillimisht u ngrit në librin e ish-kryeprokurores së Gjykatës Ndërkombëtare për krimet e luftës në ish-Jugosllavi, Karla del Ponte, ndonëse ajo nuk e çoi në Gjykatën e Hagës.
Sipas Del Pontes, ka pasur mjekë dhe persona të tjerë të cilët kanë paguar për të blerë organe nga shtetas të vendeve të varfëra. Më pas, këto organe, p.sh veshka u janë shitur klientëve të pasur në Amerikë apo Izrael.
Kombet e Bashkuara e konsiderojnë këtë si një ndër format më të ashpra të krimit të organizuar dhe kjo do te kete pasoja te renda sipas gazetarit britanik, autor i librit “McMafia”, që trajton temën e krimit të organizuar në Ballkan. Raporti nuk eshte shume specifik se per cfare periudhe behet fjale, rastet e permendura aty jane nga viti 1999 e ketej. Akuzat e ngritura sidoqofte inkriminojne Hashim Thacin, ndersa lene te kuptohet se ndërkombëtarët ishin në dijeni të asaj që po ndodhte, por përsëri e përkrahën që të bëhej kryeministër.
Top Channel
