Kryeministri Sali Berisha deklaroi se janë gati pesë projekte ambicioze për përmirësimin e infrastrukturës në Shkodër.
Sipas kryeministrit, po zhvillohen konsultime me ekspertët më të mirë për mënyrën se si do të bëhet thellimi i Bunës.
Gjatë qëndrimit në Shkodër, Berisha takoi Shtabin e Emergjencës në Prefekturë, ndërsa theksoi se gjendja pas përmbytjeve po shkon drejt përmirësimit.
“3385 persona po kthehen në banesa, ndërsa sot ka 4 mijë hektarë më pak tokë të përmbytur”, tha Berisha.
Shefi i qeverisë premtoi dëmshpërblim për banorët e dëmtuar sipas ligjit të digave, ndërsa verifikimet e dëmeve do të bëhen sapo të largohet uji.
Top Channel
