Cdo gjë është gati për një proces zgjedhor pa probleme në gjithë territorin e Kosovës.
Kështu thonë në Komisionin Qendror të Zgjedhjeve kur kanë mbetur më pak se 24 orë nga hapja e qendrave të votimit.
“Kemi bashkëpunim të plotë me Policinë e Kosovës, me EULEX-in dhe KFOR-in dhe deri më sot nuk kemi asnjë sinjal për incidente ose probleme në lidhje me sigurinë”, pohoi Valdete Daka, kryetare e KQZ.
Kjo deklaratë u bë pas një takimi me përfaqësues të subjekteve politike. Zonja Daka u kërkoi 29 subjekteve politike që në ditën e zgjedhjeve të punojnë me dinjitet.
Të dielën që nga ora shtatë e mëngjesit për 12 orë rresht, më shumë se 1.6 milionë qytetarë të Kosovës do të kenë mundësi të zgjedhin në listat e 29 subjekteve politike përfaqësuesit e tyre për në Kuvendin e Kosovës.
Top Channel
