Gjermania përshëndet Kroacinë
11/12/2010 16:50
“Kapje e qartë e Preshevës nga Vuçiç”, ish-kryekomunari Arifi kritika Ragmi Mustafës: Ndaloi projektin e financuar nga Tirana për ndërtimin e shkollës fillore 02/05 19:01
Gjermania shprehu besimin e plotë në sistemin gjyqësor të Kroacisë pas arrestimit të ish-kryeministrit Ivo Sanader, i akuzuar për korrupsion.
Gjatë konferencës për Ballkanin që zhvillohet në Berlin, ministri i jashtëm Guido Westervelle u tha gazetarëve se Kroacia është në etapën e fundit të rrugës drejt BE-së.
“Kemi besim të plotë në sistemin gjyqësor dhe besojmë se çdo gjë do të arrihet me korrektësi dhe në përputhje me ligjin”, u shpreh Westervelle.
Ish-kryeministri kroat që akuzohet për korrupsion u arrestua në Austri. Prokurorët kroatë thonë se Sanader gjatë kohës që ishte në pushtet në vitet 2004-2009 kishte synuar ngritjen e një fondi për partinë HDZ.
Pas takimit me homologun kroat Gordan Jandrokoviç, Westervelle tha se Gjermania mbështet përpjekjet e Kroacisë për të qenë pjesë e BE.
“Kroacia është në etapën e fundit të rrugës drejt anëtarësimit në BE dhe Gjermania do të mbështesë këto përpjekje”, theksoi ministri i jashtëm gjerman.
Top Channel
