Kosova, të tjera ndihma për Shqipërinë
07/12/2010 11:05
Kosova do të dërgojë ndihma shtesë në Shqipëri, për t’i bërë ballë situatës së rëndë të krijuar në vend nga përmbytjet.
Lajmin e bëjnë të ditur mediat kosovare, sipas të cilave vendimi është marrë nga Ministria e Forcës së Sigurisë.
Kështu, gjatë ditës së sotme nga vendi fqinj do të dërgohen 15 kamionë, 2 autoambulanca të FSK-së dhe tre autoambulanca të tjera nga sektori shëndetësor.
Edhe javën e kaluar qeveria kosovare ofroi ndihmë duke dërguar efektiva të FSK-së të cilët kanë ndihmuar në shpërndarjen e ndihmave në zonat e përmbytura.
Top Channel