Kosovë, PDK në Gjakovë, LDK në Prizren
07/12/2010 03:00
Qeveria e Kosovës zgjat procesin e regjistrimit të popullsisë 17/05 19:14
PDK dhe LDK vazhdojnë fushatën e tyre elektorale. Kryeministri Thaçi premtoi hapjen e një universiteti publik në Gjakovë, ndërsa LDK deklaron se nuk premton investime të cilat nuk mund të realizohen.
Kryeministri dhe kryetari i PDK-së, premtoi para elektoratit gjakovar hapjen e një universiteti publik.
“Do të angazhohem për ndërtimin e shtetit tonë demokratik, e unë kam besim se Gjakova do të jetë shembull i mobilizimit e angazhimit dhe votës për PDK. Ne kemi vendosur që nga tetori i vitit të ardhshëm të hapim Universitetin e Gjakovës”, deklaroi Thaçi në fjalën e tij.
LDK zgjodhi Prizrenin si ndalesën e radhës elektorale. Para simpatizantëve e mbështetësve, kreu i kësaj partie, Isa Mustafa premtoi zhvillim ekonomik e integrim të Kosovës në BE.
“Ne koalicionin duhet ta bëjmë me ju sepse ju na jepni votën e ne do të përmbushim të gjitha detyrimet, angazhimet e premtimet që u japim sot”, deklaroi kreu Mustafa.
Top Channel
