Ushtruesi i detyrës së presidentit të Republikës së Kosovës, Jakup Krasniqi u takua sot me një delegacion të Rrjetit Evropian të Organizatave Evropiane për Monitorimin e Zgjedhjeve, i cili do të monitorojë procesin zgjedhor të zgjedhjeve të 12 dhjetorit.
Sipas Telegraf, ky rrjet do të ketë gjithsej 170 vëzhgues në ditën e zgjedhjeve.
“Ne besojmë dhe shpresojmë se këto zgjedhje do të jenë edhe të lira, edhe të drejta edhe të ndershme. Na vjen mirë që rrjeti i organizatave ENEMO do të jetë prezent në Kosovë, do të japë vlerësimin e vet edhe të periudhës parazgjedhore, por edhe të ditës së zgjedhjeve. Ne presim dhe dëshirojmë që gjithçka të shkojë sipas asaj që e parasheh ligji dhe Kushtetuta e Republikës së Kosovës”, tha Krasniqi.
Top Channel