Kryeministri maqedonas Nikolla Gruevski ka deklaruar se Maqedonia nuk mund të heqë dorë nga identiteti i saj për të zgjidhur cështjen e emrit.
Në një interpelancë në Parlamentin e Shkupit, Gruevski është shprehur se problemi i identitetit i shtruar nga Athina daton më shumë se 100 vjet më parë.
“Problemi me identitetin i hapur nga fqinji ynë jugor është më i vjetër se 100 vjet. Nëse shikoni regjistrimet e përbërjes etnike të pjesës veriore të Greqisë së sotme nga fillimi i shekullit të njëzetë, do të shihni se sa maqedonas kanë jetuar dhe jetojnë edhe sot atje”, ka pohuar Gruevski.
Ai ka shtuar se qeveria e tij po bën gjithcka që problemi të zgjidhet dhe të zhbllokohet rruga integruese e Maqedonisë.
Top Channel
