Serbia, Kosova jashtë pyetësorit të BE-së
24/11/2010 21:55
“Kapje e qartë e Preshevës nga Vuçiç”, ish-kryekomunari Arifi kritika Ragmi Mustafës: Ndaloi projektin e financuar nga Tirana për ndërtimin e shkollës fillore 02/05 19:01
Kosova nuk është përfshirë në pyetësorin që komisioneri për Zgjerimin, Shtefan Fyle i ka dorëzuar sot Serbisë, e cila do të luftojë për të marrë statusin e vendit kandidat për në BE.
Megjithatë, zyrtari i lartë evropian ka theksuar se progresi i Serbisë drejt Unionit do të varet pikërisht nga qendrimi i saj në raport me Kosovën.
“Kosova nuk është përfshirë në pyetësor, por në të ekzistojnë një numër i madh pyetjesh që kanë të bëjnë me bashkëpunimin mes Prishtinës dhe Beogradit”, ka deklaruar Fyle.
Komisioneri ka shtuar se progresi i Serbisë do të varet gjithashtu nga arrestimi i kriminelëve të luftës, që kërkohen nga gjykata e Hagës.
“Prioritet mbetet arrestimi i Ratko Mlladic dhe Goran Haxhic”, ka shtuar komisioneri për Zgjerimin.
Ndërkohë, kryeministri serb Mirko Cvetkovic ka deklaruar se pyetësori me 1 mijë pyetje do të plotësohet nga Serbia brenda janarit të vitit të ardhshëm.
Top Channel
