Maqedoni, partitë shqiptare pro zgjedhjeve
23/11/2010 11:20
“Kapje e qartë e Preshevës nga Vuçiç”, ish-kryekomunari Arifi kritika Ragmi Mustafës: Ndaloi projektin e financuar nga Tirana për ndërtimin e shkollës fillore 02/05 19:01
Shumica e partive politike shqiptare në Maqedoni janë pro mbajtjes së zgjedhjeve të parakohshme.
Reagimi i tyre ka ardhur pas nismës së LSDM-së, për ngritjen e një mocioni mosbesimi ndaj qeverisë Gruevski në Parlament.
Partia Demokracia e Re ka deklaruar se mbështet cdo propozim që vjen për largimin e kësaj qeverie, pjesë e të cilës është edhe BDI-ja e Ali Ahmetit.
“Ne jemi pro zgjedhjeve të parakohshme, jemi kundër një qeverie anti-shqiptare dhe anti-integrimeve euro-atlantike. Prandaj ne do mbështesim cdo propozim që vjen për largimin e saj”, ka deklaruar zëdhënësi i DR, Arianit Hoxha.
Më herët edhe PDSH ka paralajmëruar se është e gatshme të ballafaqohet në zgjedhje të parakohshme.
Kryetari i saj Menduh Thaci, në disa dalje publike ka shprehur interesin për largimin e kësaj qeverie, e cila vlerësohet se ka dështuar në planin e integrimit.
Top Channel
