Sekretari shtetëror në Ministrinë serbe për Kosovën, Oliver Ivanovic ka deklaruar se do të ishte mirë që shefi i ri i EULEX-it, Xavier Bout de Marnhac të mos ndiqte gjurmët e parardhësit të tij.
Sipas Ivanovic, Yves de Kermabon e kishte përqendruar vëmendjen e tij tek veriu i Kosovës, ndërkohë që problemet konkrete ndodhen diku tjetër.
“Zemra e problemit të Kosovës është në Prishtinë. Vëmendja e misionit duhet të jetë tek siguria dhe tek parandalimi i cënimit të së drejtës së pronës që kanë serbët e Kosovës”, ka pohuar Ivanovic.
Ai ka shtuar se për një sërë motivesh, De Marnhac është i interesuar për nisjen e bisedimeve mes Prishtinës dhe Beogradit, pasi sipas tij suksesi i misionit EULEX varet nga këto bisedime.
Top Channel
