Partia shqiptare në pushtet, BDI, do të dalë së shpejti me një qendrim lidhur me pozicionin e saj në koalicionin qeverisës, pas samitit të NATO-s që po zhvillohet në Lisbonë të Portugalisë.
Lajmin e kanë bërë të ditur drejtues të kësaj partie, të cilët kanë theksuar se BDI do të mbajë një qendrim konkret lidhur me dështimin e anëtarësimit të Maqedonisë në NATO.
“BDI do të deklarohet këto ditë, pasi të përfundojë samiti”, ka deklaruar një zyrtar për agjencinë e lajmeve “INA”.
Vetë lideri i BDI-së, Ali Ahmeti deklaroi pak ditë më parë se Maqedonia nuk ka alternativë tjetër përvec anëtarësimit në NATO dhe BE, proces për të cilin kërkoi konsensus etnik dhe politik.
Ndërkohë, opozita e udhëhequr nga LSDM-ja do të kërkojë zgjedhje të parakohshme për shkak të dështimit të marrjes së ftesës për anëtarësimin në NATO.
Top Channel
