Kacin: Kosova, jo pjesë e territorit serb
19/11/2010 10:45
Ngacmoi seksualisht një vajzë të mitur, arrestohet polici në Kosovë 09/05 13:39
Eurodeputeti slloven Jelko Kacin ka deklaruar se Serbia duhet ta ketë të qartë se Kosova nuk është më pjesë e territorit të saj.
“Autoritetet serbe duhet ta kenë të qartë se Kosova është fqinje e Serbisë dhe jo pjesë e saj”, ka pohuar Kacin.
Ai ka theksuar se nëse Serbia nuk do ta përcaktojë territorin e vet pa Kosovën, atëherë do ta ketë të vështirë marrjen e statusit të vendit kandidat.
Ai ka shtuar se dialogu me Prishtinën dhe bashkëpunimi i plotë me gjykatën e Hagës janë kushte për afrimin e Serbisë me BE-në.
“Qendrimi ndaj Prishtinës është pengesa kryesore drejt stabilitetit rajonal. Kjo duhet të ndryshojë”, ka nënvizuar Kacin.
Top Channel
