Komisioneri evropian për Cështjet Financiare, Oli Rehn ka deklaruar se nuk do të ketë vonesë në pagesat e kësteve që i jepen Greqisë.
Reagimi i Rehn erdhi pasi ministri austriak i Financave, Joseph Proell tha se vendet e eurozonës po prisnin raportimet e misionit të BE-së dhe FMN-së, nëse Greqia ka ndërmarrë masat e duhura anti-krizë.
Ndërkohë, ministri grek i Financave ka deklaruar nga Athina se homologët e tij nga vendet e BE-së do të japin dritën jeshile për pjesën tjetër të ndihmave në samitin e ardhshëm të 7 dhjetorit.
Greqia ka hyrë në krizën më të thellë ekonomike në historinë e saj dhe shumë vende të BE janë shprehur skeptike për ndihmën financiare, pasi sipas tyre qeveria nuk ka realizuar reformat e duhura.
Top Channel
