Deficiti buxhetor në Greqi në vitin 2009 ka qenë më negativ nga sa ishte llogaritur në fillim, duke rezultuar më i larti në zonën euro.
Deficiti i vendit fqinj vitin e kaluar ka arritur në kuotën 15.4% të prodhimit ekonomik vjetor, ka deklaruar zyra evropiane e statistikave, EUROSTAT.
Shifra në fjalë është më e lartë se ajo e raportuar në muajin prill, që ishte 13.6 për qind.
Për shkak të rishikimit, Greqia ka deklaruar se deficiti i saj për vitin 2010 do të shkurtohet në 9.4 për qind dhe jo 7.8 % sa u tha më parë.
Vlerësimi i fundit vjen në një moment kur Athina zyrtare po përpiqet të reduktojë deficitin përmes masave anti-krizë, që kanë shkaktuar protesta në mbarë vendin.
Shteti helen po vizitohet gjithashtu nga zyrtarë të FMN-së dhe BE-së, të cilët do të vendosin nëse të lëshojnë ose jo fonde të tjera.
Top Channel
