Feith përshëndet Kodin e Mirësjelljes
15/11/2010 15:30
Përplasja me RMV, Mitsotakis mesazh paralajmërues: Qeveria e Shkupit duhet të përdorë vetëm emrin Maqedonia e Veriut 18/05 14:59
Shefi i ICO-së, Piter Feith ka përshëndetur nënshkrimin e Kodit të Mirësjelljes nga partitë politike të Kosovës, në kuadër të zgjedhjeve të 12 dhjetorit.
Përmes një deklarate për shtyp, Feith ka ftuar subjektet politike kosovare që në zgjedhjet e ardhshme të tregojnë përgjegjësi dhe maturi.
“I përgëzoj partitë politike për nënshkrimin e Kodit të Mirësjelljes. Zgjedhjet e lira, të ndershme dhe të rregullta janë prioritet i BE dhe ne dëshirojmë që të shohim plotësimin e standarteve”, ka deklaruar Feith.
Ai ka theksuar se partitë politike kanë një rol të rëndësishëm në krijimin e një ambjenti të mirë për zgjedhjet, përmes sjelljes së tyre.
“Përkrahja e Kodit të Mirësjelljes me fjalë dhe me vepra është një mënyrë për të treguar përkushtimin ndaj integrimit evropian”, ka shtuar Feith.
Top Channel
