Greqi, Strakosha në listën e PASOK
06/11/2010 11:20
Të dielën në Greqi zhvillohen zgjedhjet për pushtetin lokal, ku për herë të parë do të votojnë edhe emigrantët.
Por emigrantët marrin pjesë edhe si kandidatë për këshilltarë në listat e partive më të mëdha greke.
Në listën e PASOK-ut në pushtet për periferinë e Atikës, që përfshin 4 milionë banorë, është edhe ish portieri i kombëtares shqiptare, Foto Strakosha.
Ndërkohë, nga rreth 150 mijë emigrantë që e përfitonin këtë të drejtë, të dielën do të drejtohen në kutitë e votimit rreth 13 mijë emigrantë.
Ky numër i paktë ndoshta mund të shpjegohet me vonesat në përmbushjen e të gjitha procedurave burokratike të nevojshme në kohë për t’u përfshirë në listat e votuesve.
Top Channel