Thaci: Zgjedhjet, demokratike e transparente

Në takim është diskutuar për zhvillimet aktuale politike, posaçërisht për organizimin sa më të suksesshëm të zgjedhjeve të reja të 12 dhjetorit.

Kryeministri Thaçi ka shprehur gjithë përkushtimin e tij dhe të qeverisë së tij për një proces zgjedhor të lirë, demokratik, transparent, të organizuar mirë, me pjesëmarrjen e monitoruesve ndërkombëtarë, ku qytetarët do të vendosin për zgjedhjen e institucioneve të ardhshme të vendit.

Nga ana e tij, Feith u shpreh me tone pozitive për përkushtimet e kryeministrit Thaçi për ruajtjen e stabilitetit politik dhe institucional të Kosovës dhe po ashtu vlerësoi përkushtimin e tij për zgjedhje të lira, demokratike dhe transparente.

“Zgjedhjet e 12 dhjetorit do të jenë edhe një test i ri për demokracinë në Kosovë. Besoj se gjithë klasa politike dhe institucionale do të dëshmojë pjekurinë e lartë shtetërore për të plotësuar me sukses edhe këtë standart të lartë demokratik, në rrugën e integrimit euro-atlantik të Kosovës”, u shpreh Feith.

Top Channel