Drejtoria e Policisë së Qarkut të Korcës ka cuar për ndjekje penale një person me akuzën e dhunimit të varrezave të vjetra të fshatit Boboshticë.
Personi akuzuar eshte shtetasi Alqi Koroveshi, i cili rezulton te kete kryer punimet per ndertimin e shkallares prane pidestalit dhe kryqit te vendosur ne varrezat e Boboshtices ne nder te dy ushtareve greke te varrosur aty perkohesisht pas luftes italo-greke.
Pas ankesave te banoreve te fshatit Boboshtices u be publik fakti dhunimit te varrezave te vjetra per te ndertuar aty nje shkallare qe do sherbente per ceremonine e mbajtur diten e diel ne nder te te reneve ne luften italo-greke.
Banoret denoncuan faktin se edhe varet ishin germuar duke nxjerre eshtrat ne siperfaqe. Policia nisi hetimin dhe Drejtoria e Policise se Korces ben te ditur se ne daten 1 nentor u kryhen veprimet hetimore proceduriale ne gjendje te lire per vepren penale te dhunimit te varreve parashikuar nga neni 118 i kodit penal, ne ngarkim te shtetasit Alqi Koroveshi, 44 vjec, banues ne fshatin Polene te rrethit Korce. Kjo pasi ky shtetas ne varret e vjetra te fshatit Boboshtice, te cilat ndodhen brenda terrtorit te kishes se Shen Merise ne Boboshtice, ka kryer punime duke hedhur beton per zgjerimin e bazamentit te nje kryqi, te ngritur aty qe ne vitin 1996.
Materialet i kane kaluar prokurorise per veprime te metejshme. Kodi penal ne nenin 118 sanksionon se “Dhunimi i varrezave, varreve, nxjerrja e kufomës, si dhe vjedhja e sendeve që mund të ndodhen në to, si dhe çdo veprim tjetër që ul respektin ndaj të vdekurve, dënohen me gjobë ose me burgim gjer në pesë vjet”. Ngjarja shkaktoi tension ne fshatin Boboshtice, nje pjese e banoreve protestuan kunder dhunimit te varreve, ndersa pas ceremonise te se dieles ku moren pjese edhe diplomate greke, u dogjen kurorat qe u vendosen ne kete memorial. Nje dite me pare prefekti Korces ndersa denonte aktin e djegies se kurorave mohonte dhe deklaronte se nuk ishte asnje informacion qe ne ate vend te kete patur varre qe jane dhunuar nje qendrim ky krejt i kundert me rezultatet e hetimit te kryer nga ana e policise se Korces.
Top Channel
