Athinë, një prej pakove-bombë për Sarkozy
01/11/2010 16:35
Dështon për herë të 42-të konstituimi i Kuvendit të Kosovës 05/07 21:43
Presidenti francez Nicolas Sarkozy ishte një ndër presonat që u ishin adresuar katër pakot-bombë të zbuluara sot në Athinë.
Lajmin e ka bërë të ditur policia greke, e cila nuk jep detaje të tjera mbi ngjarjen, e cila po hetohet.
Një nga bombat, e cila kishte si adresë ambasadën meksikane në Athinë, shpërtheu në zyrat e një poste private, duke plagosur një punonjëse.
Ndërsa dy pako të tjera ishin dërguar për në selitë e ambasadës belge dhe asaj holandeze.
Policia greke ka arrestuar ndërkohë dy persona, të cilët kanë deklaruar se janë anëtarë të sektit ekstremist “Komploti i celulave të zjarrit”.
Së fundmi Greqia ka kaluar një valë sulmesh kundër qeverisë dhe forcave të policisë, të cilat i janë atribuar grupeve të së majtës ekstreme.
Top Channel
