Letra e Menduh Thaçit, reagime të ashpra në Prishtinë

Akuzave ndaj zyrtarëve të PDK-së se kanë tradhëtuar interesat kombëtare dhe kane qenë agjentë të Serbisë, të sulmuarit iu përgjigjen me kundërakuza.

Deputeti i Kuvendit të Kosovës, Nait Hasanit, emri i të cilit përmendet në letër, ka deklaruar se qëllimi i kreut të PDSH-së në Maqedoni, Menduh Thaçit, është që të shkaktojë luftë civile të përgatitur në Beograd.

“Ai këtë e ka bërë sepse i ka humbur çdo aspekt i ndjenjës morale dhe politike. Tani merret me veprime të ulëta, në shërbim të kuzhinave të Beogradit, të UDB-së për një jostabilitet dhe një vëllavrasje në Maqedoni, e cila reflektimin kryesor do ta ketë edhe në Kosovë. Për mua ky është një veprim që ka si synim shtyrjen e Kosovës në një luftë civile”, është shprehur Hasani.

“Është një çmenduri politike që ai angazhohet për të arritur qëllimet e veta. Shqiptarët e Maqedonisë dhe në Kosovë kanë nevojë ta dinë të kaluarën e tyre, edhe të dosjeve, por jo dosjet e manipuluara siç i ka bërë Menduh Thaçi. Dosjet e përgatitura nga kuzhina e tij dhe UDB-së për të denigruar vlerat e Ushtrisë Çlirimtare të Kosovës dhe Ushtrisë Çlirimtare Kombëtare në Maqedoni”, theksoi Hasani.

Top Channel