Kryeministri grek Jorgos Papandreu dhe ai i Maqedonisë, Nikolla Gruevski nuk kanë arritur të tejkalojnë dallimet lidhur me kontestin e emrit.
Në takimin e zhvilluar mbrëmë në Bruksel, Papandreu dhe Gruevski kanë shprehur qëndrimet e tyre lidhur me zgjidhjen e këtij kontesti.
Pala greke është mbështetur në propozimin e fundit që emri të ketë një përmbajtje gjeografike dhe përdorim të përgjithshëm. Në këtë plan është diskutuar edhe emri Republika e Maqedonisë së Vardarit.
Nga ana tjetër, pala maqedonase ka insistuar në ruajtjen e identitetit, gjuhës dhe shqyrtimin e mundësisë së një formule të dyfishtë.
Dy kryeministrat kanë biseduar për një orë e gjysmë, por ata më pas nuk janë prononcuar për mediat lidhur me rezultatin e këtij takimi.
Top Channel