Kosovë, votat e PDK-së mundësuan mocionin
29/10/2010 11:35
Gjyqi për sulmin terrorist të Banjskës, ndryshon kryetari i trupit gjykues 16/01 09:49
Dy vota të deputetëve të Partisë Demokratike të Kosovës kanë mjaftuar që të rrumbullakoset numri prej 40 firmash, të mjaftueshme për të dërguar në mocion votëbesimi qeverinë Thaci.
Kështu shkruan e përditshmja kosovare “Zëri” në numrin e sotëm të saj.
Partia Aleanca për Kosovën e Re, mbrëmjen e djeshme i dërgoi Kryesisë së Kuvendit mocionin me 40 nënshkrime, me anë të të cilave do të thërrasë në votëbesim qeverinë aktuale.
Nënkryetari i AKR-së, Ibrahim Makolli tha se tani procedurat parashikojnë që Kryesia, në një afat jo më të gjatë se 5 ditë, të thërrasë seancën e Kuvendit ku do të votohet mocioni.
“Pesë ditë janë afati maksimal. Tani varet nga Kryesia e Kuvendit se kur do të vendosë mocionin në rend të ditës”, tha Makolli.
Miratimi i mocionit e con Kosovën në zgjedhje të jashtëzakonshme, të cilat sipas gjasave mund të mbahen më 12 dhjetor, shton më tej “Zëri”.
Top Channel
