Ahmeti: Publikimi i dosjeve, një pacavure
28/10/2010 17:35
Konjufca kundër takimit të Taravarit me Mickoskin dy ditë para zgjedhjeve në Maqedoni: VMRO ka koncepte anti-shqiptare. Reagon edhe BDI 06/05 19:43
Kryetari i BDI-së, Ali Ahmeti ka deklaruar se dosjet e paraqitura kundër UCK-së në media dhe në komisionin e lustracionit janë vetëm një “pacavure”.
Në një intervistë për “REL”, Ahmeti ka kërkuar nga institucionet që të angazhohen seriozisht për zbardhjen e së vërtetës.
“Unë mendoj se e gjithë kjo histori dhe histeri që po ndodh do të ketë edhe një fund. Gjithashtu, mendoj se institucionet e shtetit duhet të shqetësohen për këto pacavure që po shpërndahen”, ka pohuar Ahmeti.
“Presim nga institucionet e shtetit, si dhe nga specialistë të fushave të ndryshme që përfundimisht të zbardhet e vërteta”, ka shtuar ai.
Në dosjet e publikuara së fundmi nga PDSH, Ahmeti dhe eksponentë të tjerë të BDI-së akuzohen se kanë qenë bashkëpunëtorë të UDB-së.
Top Channel
