Presidenti i Maqedonisë, Gjorgje Ivanov ka deklaruar se e drejta e popullit maqedonas për të mbrojtur identitetin e tij është e patjetërsueshme.
“Nuk ka asnjë shtet, asnjë qeveri dhe asnjë fuqi që t’u kontestojë qytetarëve të Maqedonisë të drejtën për të pasur identitetin e tyre”, ka pohuar Ivanov.
Sipas tij, këtë gjë nuk mund ta bëjë asnjë qeveri, sado e fuqishme të jetë ajo.
“Të drejtat e njeriut janë më të fuqishme dhe më të qëndrueshme sesa ndërrimet e qeverive apo politikanëve të caktuar”, ka theksuar Ivanov.
Deklaratën e tij Ivanov e ka bërë në kuadër të 60 vjetorit të miratimit të Konventës Evropiane për të drejtat e njeriut.
Ai ka shtuar se në Maqedoni, përmes Marrëveshjes së Ohrit respektohen të gjitha standartet e kësaj konvente.
Top Channel
