Kosovë, PSD: Jo zgjedhje të parakohshme
18/10/2010 15:40
Partia Socialdemokrate e Kosovës është shprehur kundër mbajtjes së zgjedhjeve të parakohshme, duke i cilësuar ato si të dëmshme për shtetin e ri.
“PSD është absolutisht kundër zgjedhjeve të parakohshme pasi vlerëson se mbajtja e tyre do të ishte një improvizim negativ, që do të prodhonte një proces të kontestuar”, ka deklaruar PSD.
Përmes një komunikate për shtyp, partia e ish-kryeministrit Agim Ceku ka shprehur gjithashtu shqetësimin e saj për situatën e krijuar pas largimit të LDK-së nga qeveria.
“Këto zhvillime negative vijnë si pasojë e mosrespektimit dhe moskoordinimit të ndërsjellë mes partnerëve të koalicionit dhe tendencës së njërit partner për të injoruar partnerin tjetër”, ka shtuar PSD.
Top Channel