Balla: Prokuroria të nisë hetimet për Kulicajn
13/10/2010 12:55
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Deputeti Taulant Balla i ka bërë sërish thirrje Prokurorisë që të nisë hetimet për përfshirjen e zëvendës drejtorit të përgjithshëm të policisë Agron Kulicaj në kontrabandë nafte.
“Dje për të tretën herë radhazi Dritan Prifti, Ministër i Ekonomisë në këtë Qeveri deri në fillim të shtatorit, rishprehu akuzat dhe dëshmitë për kontrabandën e naftës vergin ndaj ish bodigardit të Sali Berishës dhe zëvendës drejtorit aktual të policisë së shtetit Agron Kuliçaj. Këtyre akuzave dhe dëshmive tepër të rënda iu shtua dje dhe pohimi i kreut të doganave se aktualisht në Shqipëri ekziston një super-kontrabandë nafte”, tha në deklaratën e tij Balla.
Deputeti socialist theksoi se “është momenti që prokuroria shqiptare të hedhë dritë dhe të zbardhë edhe akuzat dhe dëshmitë e tjera të Dritan Priftit për vepra penale të ushtrimit të ndikimit të paligjshëm apo korrupsionit aktiv të mistrave të tjerë të Qeverisë së Sali Berishës.
“Ne socialistët i themi qytetarëve shqiptarë se gjithcka po del në dritë nga këto dëshmi të tmerrshme, janë konfirmimi i arsyeve se pse Sali Berisha vodhi zgjedhjet më 28 qershor”, tha Balla.
Top Channel
