Volker: Anëtarësimi me FYROM, i pamundur
08/10/2010 17:10
Ish-ambasadori amerikan në NATO, Kurt Volker ka deklaruar se anëtarësimi i Maqedonisë në Aleancë me emrin FYROM është i pamundur.
Deklaratën e tij Volker e ka bërë në një intervistë për Zërin e Amerikës, në seksionin e gjuhës maqedonase.
“Hyrja e Maqedonisë në NATO me referencën aktuale FYROM, për momentin është e pamundur. Greqia e ka bërë të qartë se nuk do të përkrahë anëtarësimin e Maqedonisë me emrin aktual, pavarësisht marrëveshjes së ’95-ës”, ka pohuar Volker.
Megjithatë, ai ka nënvizuar se ekziston mundësia që Athina dhe Shkupi të gjejnë një kompromis para samitit të NATO-s që mbahet në nëntor.
Më tej Volker ka përjashtuar mundësinë e përfshirjes së mëtejshme të Shteteve të Bashkuara në këtë cështje.
Top Channel