Kurti: Gati për zgjedhjet e parakohshme
04/10/2010 19:10
Serbët vranë 400 shqiptarë dhe fshehën gjurmët, dita e të zhdukurve gjatë luftës në Kosovë! Kurti: Bashkëpunëtorët e Millosheviçit, s’hapin arkivat 28/04 00:08
Lideri i lëvizjes “Vetëvendosje”, Albin Kurti ka deklaruar se subjekti i drejtuar prej tij është i gatshëm të marrë pjesë në zgjedhjet e parakohshme që do të zhvillohen vitin tjetër në Kosovë.
Gjatë një vizite në Kacanik, Kurti ka aluduar se qeveria aktuale e Kosovës gjatë procesit zgjedhor mund të përpiqet të pengojë rrjedhën normale të tij, me qëllim nxjerrjen jashtë loje të “Vetëvendosjes”.
“Sigurisht që regjimi në fuqi do të përpiqet të pengojë qëllimin tonë për ndryshime politike dhe shoqërore në Kosovë. Këta persona, që kanë vendosur politikën mbi institucionet, nuk ka dyshim që mund të përdorin edhe masa arbitrare për të na vënë shumë pengesa”, ka pohuar Kurti.
Megjithatë, ai ka shtuar se “Vetevendosje” nuk do të tërhiqet, duke theksuar se asnjë pengesë nuk është e pakapërcyeshme.
Top Channel
